О́tken aıda Pákistannyń halyq óte tyǵyz qonystanǵan Pýnjab aımaǵynyń ortalyǵy Lahor qalasynda dindarlardyń halyqaralyq kezekti konferensııasy uıymdastyrylǵan eken. Buǵan jan-jaqtan 100 myń adam kelip qatysqan.
О́kinishtisi, joǵarydaǵy bas qosý basqalarǵa koronavırýs taratqan qaqpa-kózge aınaldy. Eldegi indet juqtyrǵan 4 myń adamnyń 60 paıyzy osy Pýnjab aımaǵynyń úlesinde. Oǵan sebep, joǵarydaǵy tablıǵ jamaǵat qaýymynyń jıyny. Úkimet bul jıynǵa qatysqan 100 myń dindardy izdestirip jatyr. Ázirge tabylǵany 20 myń. Bulardyń 540-nan derttiń belgisi tabyldy.
Atalmash jamaǵat músheleri el kezýge qumar. Anda-munda jıyn ótkizgish. О́tken aıda bular 16 myń múrıdtiń basyn qosyp Malaızııada taǵy jıyn ótkizgen eken. Osylardyń ishinen 600 adam qazir indet juqtyrýshy retinde emdelip jatyr.
Jamaǵattyń jaıylatyn jeri – Úndistan, Indonezııa jáne Pákistan elderi bolǵandyqtan DDSU osy memleketterge saqtyq sharasyn kúsheıtińder, kezbe jamaǵattaryńa tyıym salyńdar dep zar qaǵyp jatyr.